OS CATRO DA XUNQUEIRA

Limiar teatro de Vigo e MAO de Viana do Castelo en coprodución coa Agadic a través Centro Dramático Galego e a Dirección Xeral da Artes e Espectáculos de Portugal. Cofinanciado pola Unión Europea dentro do Programa Creativa. Un espectáculo divertido e cunha estética coidada baseado na historia de tradición oral “ Os catro amigos”, presente tanto na cultura galega como na universal e dirixido a un público infantil e da terceira idade. Nela Can, Burro, Gato e Galo foxen da cidade para atopar o seu lugar nun rural despoboado. Como temas están o despoboamento rural e a relación que establecen home e rural, así como coa cidade. Actores cunha completa formación semellante ao ideal do actor polivalente da commedia dell´arte que dean vida a personaxes moi estilizadas construídas a partires da humanización do can, o gato, o boi e o galo. Estética cartoon creada por medio dunha escenografía, maquillaxe, vestiario e iluminación cunha atmosfera de conto,de cómic, de debuxo animado. Vestiario pintado a man, escenografía modular elementos inflables, iluminación con cores intensas sobre chan branco e xogos con lámpadas e lanternas. Música en directo que fusiona instrumentos tradicionais con instrumentos urbanos e contemporáneos. Xogos e investigación con “instrumentos non musicais”: martelos, culleres, vasos… Música con “ instrumentos” cotiáns. Participación activa do público por medio de interactividades musicoterapéuticas e de experimentación sensorial. Un espectáculo adaptable a todo tipo de espazos, para facer chegar o teatro a xente por medio de representacións en lugares non convencionais.